朱忠盛冀“猛獁牙雕館”落户西九

  圖:朱忠盛期望將香港打造成“猛獁牙藝術之都”  / 資料圖片

  目前西九文化區正進行多項工程,唔少文化界人士都期待西九全面建成後,能夠提升香港作為國際大都會嘅形象。香港著名牙雕專家朱忠盛就期望,西九文化區未來能夠興建猛獁牙雕藝術館,將香港打造成“猛獁牙藝術之都”。

  國際社會自上世紀90年代初起逐步禁止象牙貿易,朱忠盛獨具慧眼,用西伯利亞冰川層冰封萬年嘅猛獁象牙取代象牙,令牙雕藝術繼續發揚光大。“用猛獁牙取代象牙,沒殺戮,沒血腥,尊重地球生命。”目前,朱忠盛收藏嘅猛獁牙雕作品近三千件。

  願捐出大部分作品 傳承文化

  鄭晴獲悉,朱忠盛喺國際牙雕業名氣唔細,佢嘅作品《千尊頌盛世》曾參加2010年上海世博會,轟動一時。2013年,佢喺北京人民大會堂舉辦猛獁牙雕展覽。當年人民大會堂曾建議佢捐出幾件大作在大會堂展示,但佢當時未有應承。而家眼見西九文化區逐步建成,佢就希望能夠同特區政府合作,打造猛獁牙雕藝術館,自己願意捐出大部分猛獁牙雕作品作展覽用途。朱忠盛相信,在港興建藝術館能夠使中國牙雕藝術呢種非物質文化遺產更好咁傳承。

  鄭晴

責任編輯: 大公網

熱聞

  • 圖片

大公出品

大公視覺

大公熱度