黃國健生日收巨型八達通

  尋日佛誕日,原來咁啱系工聯會立法會議員黃國健(KK)生日,一班工聯會立法會議員,郭偉强、何啟明、麥美娟同埋陸頌雄,就去咗KK嘅議員辦公室幫佢慶生,送上四張手工精美嘅生日卡外,仲好抵死咁送張巨型嘅八達通道具畀壽星公,唔單止有黃國健嘅Chok樣,仲貼咗好大個兩蚊喺上面。生日禮物送八達通,唔通想祝KK喺政壇四通八達?

  原來今年系KK65歲生日,夠秤申請返張長者八達通,可以加入“長者兩蚊乘車優惠”嘅行列,無論過海、搭港鐵定小巴都只需兩蚊,正式成為“兩蚊黃”。黨友郭偉强、潘佩璆亦都喺Facebook祝佢生日快樂,仲叫KK得閒多搭車出街添。麥美娟就話雖然KK踏入耆艾之年,但心境同個樣依然好後生,睇來KK駐顏有術,不少黨友都非常之羨慕喎!

責任編輯:大公網