青民倡資助青年“扎”得喜

  圖:青年民建聯成員同一班年輕人坐埋扎燈籠/青民fb圖

  扎作系中國傳統嘅民間手藝,運用少少簡單工具和材料,便可製作出千變萬化的手工藝品,好似中秋燈籠、舞獅龍頭,仲有佛誕廟會,都會用到嘅巨型花牌,都系由扎作師傅一手一腳扎出來。青年民建聯日前就參觀咗一間我國傳統扎作商户,20幾個年輕人坐埋一齊扎燈籠,見到個個成品似模似樣,大家咪以為好簡單,原來一個燈籠未貼紙都要整成45分鐘,非常之考功夫。

  青年民建聯主席顏汶羽話,我國傳統扎作最近獲列為國家級非物質遺產名錄,引起社會關注。事實上,呢啲傳統行業面對傳承困難,因為入行的青年好少,而且因為扎作的需要,需要工作地方面積很大,連老闆都大呻揾唔到人傳承衣鉢。顏汶羽話,政府對呢種傳統行業嘅支援一直都好少,佢希望政府成立基金,鼓勵青年學習不同種類的中國傳統手藝,令中國傳統同香港本土文化發揚光大。

責任編輯: 大公網

熱聞

  • 圖片

大公出品

大公視覺

大公熱度