林鄭“孖生姊妹”進駐候任特首辦?

  “咦,呢個咪系林鄭月娥?”政府尋日成立候任行政長官辦公室,好多網民見到辦公室秘書長丁葉燕薇張相嗰陣,第一反應都系認錯佢系特首候選人林鄭月娥。就連鄭晴望落,都以為系“孖生姊妹”,因為無論面形、髮型,同埋氣質,至少有九成相似。其實女高官同林鄭“撞樣”並非首次,前民政事務總署署長陳甘美華都曾被話激似林鄭,不過佢就已經退休,想整張“偽三胞胎”同台合影,都幾艱難!

  講返呢個新成立嘅辦公室,其目的在於確保兩屆政府嘅順利交接,共設有五名首長級人員同超過二十名非首長級人員。而家政府已調派公務員出任其中四個首長級職位,包括候任行政長官辦公室秘書長、候任行政長官的私人秘書、副私人秘書及新聞秘書。

  丁葉燕薇激似林鄭

  而擔任秘書長嘅丁葉燕薇原本系香港郵政署長,之前仲擔任過發展局副秘書長、保安局副秘書長,仲喺多個決策局同部門服務過。如果林鄭當選,大家以後或者可以不時見到這對“姊妹”一同上陣呢!

  鄭晴

責任編輯: 大公網

熱聞

  • 圖片

大公出品

大公視覺

大公熱度