“梁遊已完”大快人心 小店買一送一慶祝

  胡老闆話聽到梁遊終於被判喪失議員資格後,益嚇街坊“買一送一”咁話。大公報記者林少權攝

  文|鄭晴

  犯眾憎梁遊被取消議員資格(Disqualified,DQ),全城歡呼,有小店尋日更加推出“買一送一”慶“梁遊已完”,咁新穎嘅優惠真系令鄭晴大開眼界!喺香港仔經營兩間麪店及一間壽司店嘅胡先生同鄭晴講,呢排日日返到屋企都聽到梁遊嘅負面新聞,搞到佢個人都好唔開心,尋日聽到梁遊終於被判喪失議員資格,餐廳員工即刻話要買嘢食賀一賀佢,佢於是靈機一動,貼出“買一送一”優惠告示,索性益嚇街坊咁話。

  鄭晴尋日都去胡老闆兩間麪店及相鄰壽司店睇過,見員工做到無停手,胡老闆一邊忙住收錢一邊話,始終麪店座位有限,連同舖租、員工及燈油火蠟,40蚊一碗麪,預咗賣一碗蝕一碗,但壽司店明顯多咗好多外賣客人,存貨都清得七七八八,雖然預計全日要蝕過萬蚊,但都覺得無所謂,“當豪埋出去”,最重要系街坊開心。

  雖然優惠只能維持一日咁多,但系良心小店喺香港已經買少見少,值得街坊多啲支持!鄭晴話,市民更加期待優惠會陸續有來,如果稍後法庭決定DQ埋劉小麗,九龍西就真系“買一送一”啦,相信到時又要勞煩小鳳姐,香檳開到斷曬市!


關注大公網《晨讀香江》公眾號

責任編輯:陳旭 chenxu

熱聞

  • 圖片

大公出品

大公視覺

大公熱度